“Kailangan ko ng blood sample mo para sa gagawin naming tests.” anang doktor at ipinakita sa akin ang karayom.
Si Yllana ay kagat ang labi habang pinanunuod ako. Sa kaniyang tabi ay ang Señor Adonai, katabi pa ang isang may katandaang babae. Maputi ito at may pagkasingkit. Kahit may kulubot ang balat ay lumilitaw ang ganda, makinis ang kutis noong dalaga.
Pumikit akong mariin nang pumasok ang tulis ng karayom. Pinigil ko ang hininga.
“I don’t get it, Grandma. Kahit ilang dugo ang kuhanin kay Cerina, the tests won’t prove anything.” ani Yllana.
Malaki ang bahay na pinasukan namin. Malaki ang lote ngunit hindi kasing laki ng hacienda. Ayokong galawin ang kahit na ano dahil baka may mabasag. Patuloy pa rin ang nagtatalong boses sa ibaba. Hindi ko natiis na dumungaw sa balustra
