Kung tutuusin, hindi na kailangan ng makeup ni Renza dahil sa kaniyang taglay na kagandahan. At lalong lulutang ang kaniyang kagandahan kung magdadamit siya ng pambabae. Kaso mukhang hindi niya pa ata kayang magsuot ng pambabae sa harap ng marami. Pakiwari niya ay lalamunin siya ng lupa kapag may nagmamasid sa kaniya dahil lang sa suot niyang nakakaagaw-pansin. Pero mukhang magbabago ang ihip ng hangin.
Nagmamadaling pumasok si Reynold at ang kasama niya sa shop ni Renza. Nadatnan naman ang dalaga na abala sa pagrerepaso ng kaniyang ng mga kuha sa isang kakatapos lang na kasal.
"Ateng! Ateng!" bungad ni Reynold kay Renza. Nagpagting ang tainga ni Renza sa kaniyang narinig kaya hindi muna siya lumingon sa gawi nito. Hindi niya talaga nagustuhan ang tawag ni Reynold sa kaniya, dahil lalon
