Naging maayos ang pagsasama ng bagong kasal. Sa mansion na sila umuuwi at tuwing weekend na lamang sila bumabalik sa condo.
Isang umaga, naunang nagising si Gino. Hindi na niya ginising si Lia dahil mukhang mahimbing pa ang tulog nito. Nakaligo na siya at nakapagbihis ng pang-opisina nang bahagyang gumalaw si Lia sa kama.
Dahan-dahang iminulat ng dalaga ang mga mata.
“Ahmmm… asawa ko, anong oras na?”
“Seven a.m. na,” sagot ni Gino habang hinahalikan ang noo nito. “Ano? Antok ka pa?”
“Pasensya na hindi kita naasikaso… antok na antok talaga ako. Hindi ko alam kung bakit.”
“Hayaan mo na iyon, asawa ko. Magpahinga ka lang.”
“Medyo mabigat din pakiramdam ko… hindi ko alam.” Naupo si Lia sa kama.
Agad siyang tiningnan ni Gino at hinawakan ang noo nito para tingnan kung may lagnat.
“Wala
