"What happened?" tanong ng ama ni Margaux at naupo sa tabi ni Tita Margie. Natutulog na ang matanda. Awa ng diyos ay walang nangyaring masama rito. Ayon sa doktor ay mahina na talaga ang puso nito kaya hindi dapat nagagalit at nai-stress. Dahil sa mga nangyari sa kanila ni Margaux ay nagkaroon tuloy ito ng mild heart attack. Binalaan sila ng doktor kanina na hindi makakaganda sa kalagayan ng matanda na nakakakita ito ng pangit.
Si Margaux ay missing in action na naman. Hindi na muna ito nilapitan ni Mellie dahil sa totoo lang ay nagagalit talaga siya rito. Kahit sabihing gumaganti ito, sobra-sobra na ang ginagawa nito!
Inuna niya ang kapakanan ni Tita Margie. Pagkadala nila rito sa ospital ay agad niyang tinawagan ang asawa nito na nasa kumpanya na. Si Margaux ay hindi na alam ni Mellie
