Nagdaan ang buong hapon at hindi man lang ako nagkaroon ng chance upang malaman ko kung nasaan ang direktor. Mukhang wala siya sa HIU ngayon. Hindi ko pa alam ang ibang lugar dito lalo na at sobrang lawak nito. Ni hindi ko pa nga alam kung nasaan ba ang mismong opisina ni Director Suizo. Hindi ko naman gusto na magtanong sa mga kaibigan ko. Ayoko na ipaalam sa kanila na kailangan kong imbestigahan ang direktor. Nakakainis dahil akala ko ay matatahimik na ako matapos ang issue na ‘yon, ngunit nagkamali ako dahil mas lalo lamang lumala ang sitwasyon.
Kung hindi lang nadamay ang kumpanya ng mga magulang ko ay wala na sana akong problema. Hindi rin talaga nakakabuti ang magpaka-bayani. Kung hindi ko lang sana na-obserbahan ng ayos ang lason na ‘yon, sana ay tahimik ang buhay ko ngayon dito s
