RION
“Pwe!”
Matalim na tingin ang ibinigay sa ‘kin ni Doctor Daniel no’ng makita niya ang pinakapangit ko na yatang reaksiyon na kahit sa pag-iyak sa telebisyon hindi ko ginagawa.
“Rion—“
Diring-diring inilapag ko ang baso na hinaluan niya ng likidong asul mula sa kanyang mga eksperimento.
“Wala bang masarap-sarap?”
Nagmamadali kong kinagat ang chocolate bar na kanina ko pa hawak.
“Para namang magiging kasing baho ng gamot na ‘yan ang buong katawan ko. Hindi kaya may galit ka lang sa ‘kin, doc?”
Kainis. Hindi pa rin nawawala ang lasa at ang mangasim-ngasim at mapait-pait niyang lasa.
“Matuwa ka. Kahit paano may gamot na akong napagtagumpayan para sa kalagayan mo. Suwerte tayo na may Alpha ka na handa kang gastusan nang husto. At suwerte rin ako na nagagawa ko an
