Kabanata 36
Gaya ni Kinro ay hindi inalis ni Hiro ang kaniyang tingin sa mahal na prinsipe hangga’t hindi sila nakalalayo. Nag-aalala man ay mahalaga rin ang utos ng isang prinsipe at hindi nila kayang balewalain na lang iyon. Ngunit kung sinabi nitong ayos lang siya at kaya niya ang sarili ay kailangan na lang niyang magtiwala rito.
Malalakas ang mga murklin miski mag-isa lang sila sa labanan, at mas lalo silang lumalakas sa tuwing may kasamang titan. Ang mga titan ang nagbabalanse sa mga murklin. Kahit na nakokontrol na ng halos lahat ng murklin ang kanilang mga kakayahan ay kailangan pa rin nila ng gabay ng mga titan. Kaya madalas sa kanila ay habang buhay na silang kasama magmula pagkabata.
Ang mga imortal ay sobrang lakas ilang dekada na ang nakalilipas. Wala silang kahinaan o kahi
