Kabanata 43
Nilibot ni Peter ang tingin sa lahat ng naroon. Maliban sa kaniya, kay Kinro at sa sampung titan, ay mayroon pang sampung imortal ang naroon.
Si Major ay may kasama na dalawa pang werewolf na halos kasinlaki rin niya. Wala silang suot pang-itaas kaya kitang-kita ang bitak nilang katawan na para bang mga bato na hinulma. Naka-shorts lang din sila na umaabot sa itaas ng kanilang tuhod dahil sa tuwing nagpapalit sila ng anyo ay walang natitirang saplot sa kanila.
Sila ang mga caelum na nakapagpapalit-anyo bilang mga werewolf.
Sa isang sulok ay dalawang bulto ang nakaupo habang nakayuko lang sa harap ng lamesa. Nakasuot sila ng puro itim at hapit na hapit sa kanilang mga katawan. May tig-dalawa silang samurai sa likod, dalawang patalim sa magkabilang braso at dalawa sa magkabil
