Kabanata 44
“Alam kong nasa panganib tayong lahat,” ani Sphere na hindi na napigilan pa ang magsalita, “malinaw na ‘yon sa ‘ting lahat. Pero ano naman ang gusto mong gawin namin?”
Napatingin ang lahat sa kaniyang gawi ngunit hindi niya pinansin. Tinuon niya lang ang tingin at ang atensiyon kay Peter na siyang nagpatawag sa kanilang lahat.
“Sabihin na nating alam nga natin kung ano ang ginagawa ni Dimitri, at sabihin na rin nating malalaman natin kung sino ang mga katulong niya. Pero naisip mo bang sa oras na malaman natin ay wala pa rin tayong ideya kung ano ang gusto niyang gawin sa mga eksperimento niya? At paano kung sa oras na malaman natin ay wala tayong ibang magagawa kung hindi ang panoorin lang siyang gawin kung ano ang gusto niya?”
“Ano ang gusto mong iparating?” tanong ni Pet
