Chapter Twenty
"Ayos ah? Mukhang nagkakatuwaan kayo habang wala ako sa eksena ah?" biglang may nagsalita mula sa likod nila.
Nang lingunin nila ay nakita nila si Peter na nakatayo sa likod nila at seryosong nakatingin sa kanilang tatlo.
"Peter," mahinang sambit naman ni Quinn nang makita ang nobyo nito.
Pilit na kinukuhang muli ni Quinn ang anak na si Terrence kay Troy pero ayaw pa rin nitong sumama sa ina.
"Terrence," tawag ni Peter sa bata na tila may pagbabanta.
Naramdaman tuloy ni Troy na parang natakot si Terrence nang tawagin ito ni Peter dahil mas lalong humigpit ang kapit at yakap nito sa kanya. Kaya tinapik tapik naman niya ito at hinagod sa likod para mapakalma ito dahil baka umiyak na naman ito kagaya kanina.
"Baby, halika na kay Mommy. Nakakahiya kay Kuya Troy. Mabiga
