CHAPTER 15
Ken’s PoV
Ano kaya ang naghihintay sa dulo ng pasilyong ito? Nasasabik na kami ni Nette na makita.
Hahawakan ko na sana ang kamay ni Nette dahil malapit na yata ang dulo ng tinatahak naming pasilyo, nakikita ko na kasi ang kaunting liwanag, pero hindi ko mahagilap ang kamay ni Nette. Hinanap ko siya sa likuran ko pero kahit saan direksyon ay hindi ko siya makita. Hindi na ako nakalayo pa dahil may kumaladkad sa akin sa loob ng isang pintuan.
Nagpupumiglas ako pero wala akong magawa dahil napakalaking tao ng kumakaladkad sa akin. Huminto lang siya nang nasa loob na kami ng isang madilim na kwarto, nakahandusay ako sa sahig. Bumukas ang ilaw at bumungad ang kumpol ng mga taong nakatitig sa akin habang ako naman ay naka tingala sa kanila. Lahat kami ay nagulat sa tagpong it
