CHAPTER 20
Marianette’s PoV
‘Welcome to hell,” sabi ni Ate Mia.
Napalunok tuloy ako. Nakakatakot naman. Lalo na nang sinegundahan pa ni Kuya Roland ang welcome to hell ni Ate Mia. Grabe na nga ang kaba ko kanina sa challenge niya buti na lang at magaling talaga si Ken, nakalusot kami. Kailangan ko talaga sa buhay si Ken, parang hindi ako mabubuhay kung wala siya.
Habang papasok kami sa loob ng lumang bahay, gaya kahapon, pumalakpak lang si Kuya Roland at bumukas ang mapusyaw na ilaw na sapat lang para makita ang daanan ng mahabang pasilyo.
Hindi ko alam kung bakit kakaiba ang pakiramdam ko ngayon kumpara kahapon. Parang may naka-abang na panganib.
Nagpatuloy lang kami ng paglalakad hanggang sa napahinto si Ken sa isang pinto, Room 005 ang nakasulat. Inakbayan siya ni Ate Mia. “Bak
