CHAPTER 37
Nette's PoV
Simula nang tuluyan ko nang iniwan si Enzo at yakapin ang mundo ng Rabidkill, tinuon ko na ang buong puso at isipan ko sa training. Kinalimutan ko na si Enzo, si Verena, at ang pangarap kong makapag college sa isang normal na university.
Wala ng ibang mas mataas na pangarap pa kundi ang makapag-higanti at makuha ang hustisya na pinakaa-aasam ko para sa mga magulang ko.
Paunti-unti, pilit kong kinalimutan ang normal na mundo. Nandito na ako sa mundo na wala si Enzo. Hindi madali. Pero hindi rin naman imposible na mamuhay na wala sila. Hindi man agad agad na matatanggal sa sistema pero pwede naman dahan-dahan.
Isang gabi, nasa football field ako. Nakatayo lang ako sa malawak na luntiang sahig na nababalutan ng damo. May kakaibang kilabot ang hatid ng malamig na
