INDEPENDENT WOMAN 30: THE TRUTH
"Sabry, Destiny, bumababa na kayo at malapit na tayong maghapunan. Pauwi na din si Marc, sabay-sabay na tayong lahat." Ani mula sa labas ng pinto matapos ang tatlong katok na ginawa ni Mama Sabrina.
"Pababa na po," sagot naman ni Sabry na hindi iminumulat ang kanyang mga mata.
Hindi na 'ko nakarinig pa ng boses na sumagot sa pinto, mukhang umalis na din ito matapos na sabihin iyon ni Sabry. Tumayo na ako sa aking pwesto upang ayusin ang aking buhok na nagulo dahil sa aking paghiga. Nakakaramdam na din ako ng matinding kaba sa aking dibdib sa pwedeng mangyari.
"Handa ka na ba sabihin sa kanila ang lahat?" Tanong ni Sabry sa akin bago nilingon ang aking pwesto, "Oh, gusto mo na sarilihan mo nalang kausapin si Tito Marc para mas maayos ang lahat?" Dadag pa
