INDEPENDENT WOMAN 25
“Ma, mauuna na po kami ni Destiny.” Paalam ni Sabry sa kanyang ina na nasa aming harapan.
“Mag-iingat kayong dalawa sa byahe,” paalala nito bago tumingin sa akin at saka ako niyakap, “Alagaan mo ang sarili mo pati na din ang anak ko.” Paalala nito sa akin.
Tumango-tango ako, “Makakaasa pa kayo, ma.” Sabay kindat ko sa kanya.
Napangiti naman ito sa akin, inihatid niya kami hanggang sa makapasok kami ng sasakyan ni Sabry. Hindi na kami naihatid pa ni papa—I mean, Tito Marc dahil maaga itong umalis para pumasok sa trabaho, nagmamadali pa ito habang nag-aalmusal kami dahil patuloy ang pagtunog ng kanyang cellphone. Mukhang may emergency sa kanyang trabaho.
Samantala, si Mommy Sabrina naman ay wala din tigil sa kanyang pag-aasikaso sa amin dalawa ni Sabry at kulang na
