UMALIS na ang kanyang ate Janah.
Kinabukasan, ay maaga silang gumising. Alas 7 ng umaga ang flight ng kanyang kapatid kaya maaga din siyang nakaluto. Banda 5:30 ng umaga ay umalis na ito patungong airport kaya naiwan na silang dalawa ni Peri sa bahay. Kagabi bago sila matulog ay nag file siya ng sick leave dahil hindi pa niya sigurado kung saan niya iiwan si Peri habang nandito ito. Siguro ay gagawan nalang niya ng paraan sa susunod na araw.
Habang naglalaro si Peri sa sala ay hindi naman mapakali si Paraluman. Pabalik-balik siyang naglakad sa kusina at pinagmamasdan ang bata na kinakausap ang hawak itong teddy bear na si Butche. Sa totoo lang ay natatakot siya, natatakot siyang baka bigla nalang sumulpot ang taong iyon dito sa bahay niya. Tiyak kasi ay magtataka ito kung bakit may kas
