HINDI talaga umalis si Mr. Red Santibañez.
Napatunayan iyon ni Maria nang sumunod na sandali ay may narinig na siyang kumakalansing sa kanyang kusina.
Teka, magluluto ba ito?
Napabalikwas siya ng bangon ngunit agad din bumalik sa pagkakahiga dahil parang nililindol ang paligid niya! Gusto niya itong kausapin at paalisin pero hindi na kaya ng katawan niyang bumangon man lang.
Ano bang trip ng taong `to?
Para na siyang lumpia na nakabalot sa makapal na kumot dahil sa sobrang lamig pero hindi niya magawang ipahinga ang katawan dahil nasa ibang tao ang kanyang atensyon. Nagpabiling-biling na siya sa higaan dahil hindi siya mapakali hanggang sa siya na rin ang napagod at kusang nakatulog.
Nagising nalang siya sa amoy ng mabangong sabaw na hindi niya alam kung saan nanggagaling. Doon n
