“Are you looking for someone, Tita Eli?”
Namalayan niyang hawak na pala ni Caleb ang baba niya para ibaling muli sa TV na nasa kanilang harapan.
“No, Caleb.”
Nababaliw na yata ang pakiramdam ni Elisa. Bigla na lang kasi siyang napapalingon sa gawing maindoor sa gitna ng panonood nila ni Caleb ng cartoon show. May huminto kasing sasakyan sa garahe. Hinihintay niya lang naman kung sino ang papasok.
“Hello po, Kuya Boyong!”
Si Boyong lang pala ang dumating. Akala niya kung sino.
“Nabili mo na po ang cookies and cream ice cream ko po?”
Excited na lumapit si Caleb kay Boyong. Napapalakpak pa ang bata nang makitang bitbit nito ang ice cream.
Pinatay niya ang TV at sumunod na rin sa kusina. Nang matapat sa maindoor, hindi na naman niya mapigilan ang pagsilip sa labas. Baka lang ka
