Buong gabi siyang halos hindi makatulog. Pabiling-biling siya sa higaan pero mailap ang antok sa kanya. Hindi pinatahimik ang isip at puso niya sa kaganapan kanina. Bumangon siya at sandaling sinilip si Caleb sa kabilang silid.
Mahimbing na sa pagtulog ang pamangkin niya habang yakap ang malaking unan.
Ilang sandal rin siyang nanatili sa bungad ng pinto ng silid ni Caleb bago nagdesisyong bumalik sa silid niya.
May meeting siya bukas. Kailangan niya ng tamang pahinga.
But then he did otherwise. Bumaba siya ng hagdan at nagtungo sa tapat ng silid na kinaroroonan ni Elisa.
“Kanina pa siya natutulog, boss.”
Wala siyang sagot sa sinabi ni Boyong.
“Si Mando?”
“Nasa kusina, boss, nagkakakape.”
Elisa was a harmless human being to begin with. Pero daig pa nito ang isang criminal kung paba
