Please

Akira's POV 6 o'clock na ngayon ng umaga at nandito na ako sa rooftop ng school namin dahil inaabangan ko ang gusto kong lalaki. Araw araw ay ganito ang ginagawa ko, lagi ko siyang sinusundan at inaalam ang kung ano anong bagay tungkol sa kaniya. Nalaman kong mayroon siyang girlfriend pero hindi yon magiging dahilan para tumigil ako sa pagkakagusto sa kaniya. Isa akong High School student at kahit kailan ay hindi ako nagkaroon ng kahit isang kaibigan, dahil sa tingin ko, lahat ng tao ay manggagamit lamang at mangaabuso lamang ng ibang taong kanilang nakikilala. Kaya naman hindi ako nakikipagkaibigan kahit kanino. Kasalukuyan akong kumukuha ng mga litrato ng lalaking nagugustuhan ko, mula rito sa rooftop kung saan ako kanina pang nakapwesto. Madali ko lamang siyang nakikita dahil ang rooftop na kinalalagyan ko ngayon ay tapat lang ng building na room nila, sila ay nasa ika unang palapag kaya naman hindi talaga ako mahahalata sa pwesto ko. He's name is Syrem, 17 years old gaya ko at isa siya sa mga babaerong lalaki dito sa school. Hindi ko alam kung bakit ko siya nagustuhan, basta ang alam ko sa sarili ko ay gusto ko siyang baguhin at mapalitan ng maayos ang kaniyang personalidad. Dahil sa lagi ko siyang sinusundan ay nalalaman kong ibat ibang babae ang kaniyang pinupuntahan at nakakasama. Niloloko niya lang ang kilalang girlfriend niya dito sa school. Kawawang babae. Minsan pa'y nakikita ko siyang mayroong ginagawang hindi kaaya-aya sa ilang babaeng nakakasama niya. Subalit para sa akin ay hindi ko siya nakikitang bastardo, masama at walang pakialam sa nararamdaman ng iba, kaya naman iyon ang nagbigay ng dahilan sa akin para lalo kong pag-aralan at alamin ang bawat bagay tungkol sa kaniya at kung bakit ko siya nagustuhan. Walang nakakaalam ng pagtingin ko kay Syrem dahil wala ni isa akong kaibigan na malapit sa akin kaya naman maayos kong naitatago ang lihim na paghanga ko sa lalaking una kong nagustuhan.