Hindi ko na napigilan ang sarili ko. Naitulak ko siya sa balikat. Napaatras siya. Nakasarado pasuntok ang aking mga kamao, nanginginig sa sobrang galit.
"Ano... Gusto mo suntukan nalang tayo, ha?"
Tinitigan lang niya ako. Hindi niya ako pinansin.
Ilang sandali pa ay muling nagdilim ang screen. Yun ang naging hudyat para tumalikod na siya sa akin. Kinuha niya ang kamay ng kasintayan at agad silang naglakad papalayo, pababa habang ako ay naiwan na nakatayo at nakaharap sa wala.
Hinawakan ako ni Mariel sa braso, nanginginig parin ako. Napalingon ako sa kanya, bakas sa kanyang mukha ang pagtataka, naguguluhan marahil sa kung ano ang nangyayari sa amin. Bumalik naman ako sa upuan katabi niya. Niyakap niya ako at niyakap ko rin siya. Ang bilis parin ng t***k ng puso ko. Sigurado ak
