SA UNANG GABI NI Samuel ay hindi siya makatulog. Kaya naman nagpasya siyang magtungo sa kusina para kumuha ng malamig na beer na binili niya kanina sa grocery. Pagkaraan ay nagtungo siya sa balkonahe para lumanghap ng sariwang hangin. Pero bigla siyang natigilan nang makarinig siya ng mahinang pagtawa ng isang babae sa kung saan.
Hinanap ng paningin ni Samuel kung saan nagmumula ang ingay na kanyang naririnig hanggang sa may makita siyang dalawang tao sa ilalim ng punong-kahoy.
Madilim ang buong paligid. Tanging liwanag lang ng buwan ang nagsisilbing ilaw ng dalawang taong iyon. Kaya naman pinaningkit ni Samuel ang kanyang mga mata para makilala kung sino ang mga iyon. Hindi na siya inosente sa kanyang edad. At maraming beses na ring may nangyari sa kanila ni Christine. Kaya naman, ala
