Muling tinitigan ni Kaisha ang mga larawan na iniwan ni Gwen sa harap nila ni Ashton kanina. Mga stolen shot iyon ng pagiging waitress niya sa club. Mga kuha mula sa CCTV, at kahit madilim ang kuha, may isang anggulo kung saan malinaw ang mukha niya.
Dahan-dahan niyang pinunit ang bawat larawan bago inilagay sa loob ng envelope. Balak niyang sunugin ang mga ito pag-uwi niya. Kung may ganito nang ebidensya si Gwen, paano siya makakalaban? Ayos lang sana kung siya lang ang maaapektuhan, pero kung madadamay pati ang reputasyon ni Xero, hindi niya alam ang gagawin.
Halos lumulutang siya sa kaba nang pumasok sila sa conference room sa tamang palapag. Namilog ang mga mata niya nang makitang kaunti lang ang mga tao sa loob. Wala doon si Gwen!
Naroon si Xero kasama ang dalawa niyang tauhan, si
