CHAPTER 35: TRAP
LUMUNOK ako at inipon ang lahat ng lakas ng loob na natitira sa ‘kin bago tuluyang hawakan ang acient map. Sa unang tingin pa lang dito ay mahahalata mo kaagad na hindi siya normal lang na mapa, puno ito ng mga litrato at pangalan ng lugar, ‘yun lang. Hindi kagaya ng normal na mapa na may mga linya at mga direksyon para ituro sa mambabasa kung sa’n ang tamang daraanan.
Dahil siguro sa hindi rin naman normal lang na tao ang nagmamay-ari ng Isla ng mga Higante, hindi basta-basta matutunton ng kahit na sino maliban na lang kung kaya niyang bumasa ng mga memorya sa likod ng mga litratong ‘to.
Maliban na lang kung isang itong Prime.
Idinikit ko ang dalawang daliri ko sa unang litrato na nasa pinaka-ibaba, mukhang ito ang unang destinasyon sa limang dadaanan naming lugar bag
