ILANG ORAS ang lumipas mabilis ang naging paglalakbay namin dahil patag naman ang dinadaanan sa kakahuyan, mukhang nakalayo na talaga kami sa bayan.
Napatingala ako sa kalangitan nang may maramdaman akong pumatak na tubig, tumama ang hinala ko na pasimulang ulan ‘yon nang bumuhos ang ulan sa ‘min. Agad na sumilong kami sa malapit na puno, malapad ang mga sanga at dahon nito sa itaas, sapat para hindi kami mabasa sa pagsilong sa ibaba.
“Bwisit na ulan, sayang lang sa oras ang pagsilong dito eh!” rinig kong malakas na angal ni Elixir, nakapameywang siya habang tinatanaw ang kapaligiran ng pinasok naming kakahuyan.
Malawak ang paligid pero punung-puno ng matataas na puno at makakapal na halaman sa paligid, nakakatakot naman ang hitsura ng naglalakihang ugat ng mga puno sa lupa, walang k
