Chapter 25 - Fire
Sun Raue's Point of View
Napapikit nalang ako sa inis dahil ayaw pa akong ibaba ng Mafia Prince na 'to. Alam niya naman sigurong pinagtitinginan na kami ng mga estudyante. Argh!
"Isa! Mafia Prince, ibaba mo na ko!" Mahinang sabi ko sa kanya pero nanggigigil na ko. Pero hindi siya sumagot at nakangisi pa siya habang diretso ang tingin sa dinadaanan namin.
Kinurot ko siya sa braso kaya napahinto siya sa paglalakad.
"Aray!" Daing niya at sa wakas ay tiningnan niya na ako. "Bakit ba nangungurot ka?" Inis na sabi niya.
"Hindi mo ba ko ibaba!" Nilakihan ko siya ng mata para naman malaman niya na kanina pa ako naiinis dito.
"Malapit naman na tayo kaya 'wag na." Sagot niya at naglakad na ulit.
Argh! Dammit!
Kinurot ko ulit siya sa braso at mas diniin ko na ang kuko ko.
