KAREN
Napatingin ako kay Tito Piero nang bumaba siya sa hagdan kasama si Dad.
Si April naman ay sumulpot na naman. Nasa may pintuan lang ako sa may gilid at nakatingin lang sa kanila. Hindi na ako lumapit at hinayaan ko na lang.
Nang tuluyan nang umalis si Tito Piero ay napatingin ako kay Dad at April. Nawala ang ngiti ni April at si Dad naman ay napatingin sa akin.
Hindi ko alam pero parang galit pa rin si Dad kay April. Ano kaya ang nagawa niya?
“Dad,” tawag ni April kay Dad nang magsimula na itong humakbang paakyat.
“You should know the damage of what you've done,” malamig na saad ni Dad, kaya napakunot ako habang nanonood sa kanila.
Nagpatuloy sa pag-akyat sa Dad. Napatingin naman ako kay April na napakuyom na ng kamao ngayon.
Tumalim ang mga mata nito nang makita ako, pero map
