Halos nasa kalahati na ang araw na iyon nang sapitin nilang tatlo ang NAIA International Airport. Maalinsangan ang ihip ng hangin na kagaya ng dati, maraming mga tao ang paroo’t-parito at pakalat-kalat sa nasabing paliparan, patungo ng iba’t-ibang dereksyon. Sa paningin ni Chanel ay wala namang pagbabago ang nasabing lugar, kagaya pa rin ito nang iwan niya na bukod sa maingay ay medyo nabawasan lang ang dami ng mga taong naroroon sa araw na ito. Ang kaibahan lang sa dating karanasan nila ay ang kanilang pakiramdam na dalawa. Kung noon ay proud sila na rumarampa dito kada baba nila ng eroplano dahil naggaling sila ng ibang bansa para sa pinuntahan nilang fashion show at mga photoshoot. Sinasalubong sila noon ng bawat kislap ng mga camera at mga reporter, ngunit ngayon naman ay halos itago n
