"Ella magpadeliver ka na lang ng lunch natin, 'di raw ako masasamahan ng sir Hunter mo." Ani Kirsten sa awditibo matapos magbalik sa kanyang opisina. Hindi niya na nasabi kanina dahil may ina-assist pa itong customer.
Ang turo ni tita Naci sa kanya, ituring na parang bisita ang mga customer na dumadalaw sa kanyang pamamahay. At ang abalain ang mga ito ay hindi paggalang para sa kanya. Kaya nang tumawag muli sa kanya si Ellah ay saka lamang siya naghabilin.
"Okay ma'am 'yong sa dati pa rin po ba?"
"Oo atsaka padagdag naman ako ng mango graham ice cream."
"Ha? Eh di ba ayaw niyo po sa mangga?"
Noong minsan kasi ay nagdala ang isa nilang kahera ng manggang hinog dahil galing ito sa probinsiya. Siya lang ang hindi kumain. Magmula noong dalaga siya ay may masamang dala na ang mangga sa k
