"What brings you here?"
Kaswal ang tinig na tanong ni Kirsten sa babaeng kaharap. Si Ella ay nagpalipat-lipat ang paningin sa boss nito at sa babaeng kaharap nito. Halata ang tensiyong bumabalot sa dalawa. Binalingan ni Kirsten ang assisstant.
"Iwan mo muna kami Ella."
"S-sige po." Nagmamadaling sumunod ang babae. May customer na tumawag sa pansin nito at maya-maya lamang ay nawala na sa isip nito ang nasaksihan. Inasikaso nito ang customer.
Si Kirsten naman ay ibinalik ang paningin sa kaharap na ngayon ay nililibot ng tingin ang interior ng kanyang boutique. Nakataas ang kilay nito. Kung nais siya nitong insultuhin ay hindi siya apektado. Alam niyang maipagmamalaki ang boutique niya at sa katunayan ay unti-unti na iyong nakikilala sa mga karatig-siyudad. Ibinalik nito ang paningin sa
