Wala na si Hunter nang magising si Kirsten. Pabor sa kanya iyon dahil kagigising pa lamang niya ay masama na ang kanyang pakiramdam. Nang makabawi ay saka niya ginawa ang usual morning routine. Nang makapaligo at makapagbihis ay saka siya bumaba upang magbreakfast.
Hindi nagustuhan ng kanyang sikmura ang niluto ni manang Selya dahil may nalasahan siyang bawang. Napagpasyahan niyang sa labas na lang kumain, o di kaya ay magpapadeliver na lang ulit siya sa kanyang opisina. Kahit papaano ay naging abala siya sa trabaho.
May inoorganisang kasal ang kliyente niyang wedding coordinator at siya ang gagawa ng wedding gown at pati na rin ng susuotin ng mga abay. Ang bride mismo ang nagdesign ng gown at ng susuotin ng abay kaya pagtahi na lamang ang poproblemahin nila.
Noong nag-uumpisa pa laman
