"Pasensiya ka na talaga kung naabala kita ha?"
Hindi mapigilan ni Kirsten ang makonsensiya. Naabala pa niya si Ron dahil lang sa plano nila. Lulan sila ng kotse nito at papunta na sila sa sinabi niyang pangalan ng Chinese Restaurant kung nasaan sina Hunter.
"Ano ka ba, sabi ko naman sa'yo basta ikaw. Atsaka sorry pala kung nakaistorbo ako noon sa Palawan ha? 'Di mo maman sinabi may asawa ka na pala. Akala ko boyfriend mo pa lang." Ani Ron na napakamot sa batok.
Natawa si Kirsten. "Sorry rin sa sinabi ni Hunter." Nakagat niya ang ibabang labi.
"Okay lang. May hindi kayo pagkakaunawaan?" Binalingan siya nito ng tingin bago inilipat ang tingin sa daan.
"Oo." Tipid na ani niya.
"Silly girl." Ron chuckled.
"Ha? Ako?" Itinuro niya ang sarili.
"No, si Bianca. Madalas niya kasing gawin k
