Chapter 28
Gusto
Junjun Hermana
Tandang tanda ko pa ang mga tagpo na naganap. Parang isahang ihip lang ng hangin. Napapatulala na lang ako ng labis. Hindi ako makapaniwala. Ayaw kong maniwala.
Habang nasa gitna kami ng trapiko. Katabi ko sa kotse si King. Hindi ko siya kayang tingnan. Kaya nakabaling lang ang aking tingin sa labas.
Siya naman ay kanina pa mahigpit na nakahawak ang kamay sa manebela. Kita ang galit at takot na sabay na nakapinta sa kanyang mata.
Bakit... Bakit ba hindi na lang ibalato sa amin ng tadhana ito? Gusto ko lang naman na maging masaya sa piling ng taong mahal ko. Pero bakit? Bakit kailangan pa na maging ganito!? BAKIT!?
Hinawakan ko ang bata sa tiyan ko. Ano na lang ang sasabihin ng mga tao. Nahihiya ako, nasasaktan para sa magiging anak namin. Naguguluhan
