NAGISING si Summer nang maramdaman niyang may kamay sa pisngi niya, bahagyang sumampal para gisingin siya. Nagmulat siya at nadatnan niya si ate Arlene, na agad na ngumiti nang makita siyang nagmulat siya ng mga mata.
“Magandang umaga, Miss Summer.”
Nalingunan niya ang nakabukas na kurtina ng malawak na bintana. Nasilaw siya sa sikat ng pang-umagang araw roon. Umangat ang tingin niya sa may bedside table para tingnan kung anong oras na.
Alas otso na ng umaga. Alas nueve ng umaga ang umpisa ng klase niya. Mabigat man ang ulo ay pinilit niyang bumangon.
“Magandang umaga rin sa’yo, ate Arlene.” Balik niyang bati rito.
Nakakahiya at ginising pa talaga siya nito, ngayon lang ito nangyari sa halos dalawang buwan niyang nakatira rito sa mansion.
Pero wait, paano nga ba siya nakauwi rito ka
