"CUT!"
Nagpakawala ng malalim na buntong-hininga si Paige nang marinig niya ang boses na iyon ng Director. Pagkatapos niyon ay pinunasan niya ang luhang namalibis sa mga mata niya. Napatingin naman siya sa kanyang gilid nang maramdaman niya ang paglapit sa kanya ni Asunta at inabutan siya nito ng tissue paper. Maasahan talaga niya ang kanyang PA, dahil kahit na hindi niya i-utos ay alisto ito.
"Thanks, Asunta," wika naman niya dito ng tanggapin niya ang inaabot nito sa kanya.
Isang tango lang naman ang isinagot nito bago ito umalis sa tabi niya. Napatingin naman siya kay Margie na nasa tabi niya. Ito ang ka-eksena niya sa sandaling iyon.
"I'm sorry," mayamaya ay wika nito sa kanya ng magtama ang mga mata nila.
Ngumiti naman siya para ipakita dito na okay lang. Pagkatapos ay tumaas
