"LET'S eat at the restaurant near here. My treat," nakangiting anunsiyo ni Inigo sa kanila pagkatapos sabihin ng director na mag-dinner mo na sila. Sakto din kasing dinner time ng sandaling iyon. Inabutan na sila ng gabi sa pagti-taping at mukhang mag-o-overtime din sila dahil hindi pa sila tapos.
"Yehey," halos sabay naman na wika ng kasamahan nilang artista. Pati na din ang ilang staff na naroon ay masaya dahil kasama ang mga ito sa ililibre ni Inigo.
Mayamaya ay napansin niya ang pagsulyap ng lalaki sa kanya. "Wanna come, Paige?" tanong naman nito sa kanya.
Mula naman sa gilid ng kanyang mata ay nakita niya ang mga kasamahan na tumingin sa kanya. Saglit naman niyang kinagat ang ibabang labi. Alangan namang tumanggi siya sa paanyaya nito, eh, mukhang lahat ng kasama niya ay sang-ay
