"BABE?"
Nag-angat si Paige ng mukha ng marinig niya ang boses na iyon ni Gregory. Bahagya namang kumunot ang noo niya nang makita niya na nakabihis ito. Mukhang aalis ito sa suot nito sa sandaling iyon. Tumigil naman siya sa paghahanda ng meryenda nilang dalawa ng maglakad ito palapit sa gawi niya.
"Bakit?" tanong niya kay Gregory ng huminto ito sa harap niya.
Nagpakawala naman ito ng malalim na buntong-hininga. "Ayaw sana kitang iwan na mag-isa dito dahil nangako ako sa 'yo na nasa tabi mo lang ako. But I need to go outside. May importante kasi akong gagawin," imporma nito sa kanya.
Napansin din niya sa ekspresyon ng mukha nito na para bang nagtatalo ito kung aalis ba ito o hindi.
Nginitian naman niya ito para sabihin dito ma okay lang na umalis ito. "Ano ka ba," wika naman niya
