NAGPAKAWALA ng malalim na buntong-hininga si Gregory nang maramdaman niya ang mabining paghinga ni Paige. Naramdaman din niya ang unti-unting pagkakaluwag ng kamay nitong nakahawak sa kamay niya tanda ng mahimbing na itong nakatulog. Saglit naman siyang nanatili sa posisyon habang masuyong nakatitig sa asawa. Pagkatapos ay yumuko siya para halikan ito sa noo. Dahan-dahan din niyang inalis ang kamay na nakahawak dito. Kinuha din niya ang kumot at kinumutan niya ito ng maayos.
Tumayo na si Gregory mula sa pagkakaupo niya sa gilid ng kama. Saglit mo na niyang tinitigan ito bago niya inalis ang tingin kay Paige. Kinuha din niya ang cellphone na nakapatong sa ibabaw ng bedside table at saka siya dahan-dahan na humakbang palabas ng kwarto, nag-iingat na hindi siya makagawa ng ingay para hindi
