HALOS hindi umalis si Gregory sa tabi ni Paige ng napagpagyashan nilang umalis na sa hotel na kinaroroonan. Napansin din niya na napaka-seryoso ng ekspresyon ng mukha nito sa sandaling iyon. Para ding ang lalim din ng iniisip nito. Gusto sana niya itong kausapin pero pinili na lang niyang tumahimik.
Mayamaya ay umayos naman siya mula sa pagkakatayo niya ng huminto at bumukas ang pinto ng kinasasakyan na elevator. Inayos din niya ang itim na tuxedo ni Gregory na nakapatong sa balikat niya.
Hinubad nito kanina ang tuxedo nito at isinuot nito iyon sa kanya ng yayain na siya nitong umalis ng hotel.
Sa halip naman na lumabas ito sa elevator ay nilingon siya nito. Nag-angat naman siya ng tingin patungo sa mukha nito. Kung kanina ay seryoso ang ekspresyon ng mukha nito ay ngayon naman ay lu
