Kinabukasan ng umaga ay nagising si Luna sa sunud-sunod na katok sa labas ng apartment niya. Bumangon siya at sinulyapan ang oras sa side table.
7:30 AM. At mamayang alas nueve pa ang pasok niya.
Inaantok na tumayo siya at saglit lang na sinulyapan ang sarili sa salamin bago humakbang palabas ng silid at pagbuksan ang kung sino mang naroon sa labas. She peeked at the peephole and frowned.
Binuksan niya ang pinto. “Mrs. Santa Cruz?”
Ngumiti ang landlady niya saka inabot ang isang maliit na box. “Nagwawalis ako dito sa labas ng apartment nang makita ko iyan sa harap ng pinto mo. Akala ko ay paalis ka na kaya kinatok na kita. Wala ka bang pasok?”
“Mamayang alas nueve pa po,” aniya saka sinulyapang muli ang box na inabot nito sa kaniya. “Para po sa akin ito?”
“Oo, may card sa ibabaw
