Pagkatapos ng pag-uusap namin ay bumalik ako sa Big Day kasama siya. Mukha namang tapos na ang dalawa sa paglalaban.
Naglakad ako sa pagitan nila, “Tapos na kayo?” tanong ko. Sabay naman silang napatingin sa akin.
“Oo,” tugon ni Izel, “Saan ka nanggaling?” tanong niya.
“Ah, diya’n lang-“
“Bakit may sugat ka?” napalingon ako kay Azrael. Hindi siya naka tingin sa akin kundi sa kanang siko ko kaya naman tinignan ko rin ang siko ko. Bumungad sa akin ang maraming dugo na tumutulo sa braso ko. Bago pa ito tuluyang makatulo sa sahig ay agad kong kinapkapan ang bulsa ko upang maghanap ng panyo nang biglang may kung kaninong panyo nag punas sa dugo ko. Sunod niyang pinalibot ang panyo sa siko ko at mahigpit itong tinali.
Nang i-angat ko ang ulo ko ay bumungad sa akin ‘yung lalaki na mala-ahas
