Sa hindi inaasahan ay inabutan pa ako ng malakas na ulan sa may daan. Humanap agad ako ng masisilungan sapagkat hindi ko kaya ang lakas nito. Sakto naman na mayroon akong nadaan na karinderya sa kalsada at dito ko napagpasyahan na magpatila ng ulan.
Habang naghahantay ako sa pagtila ng ulan ay biglang nagring ang cellphone ko.
Si Shyr, tumatawag...
"Hello, babe?" Bungad na tanong sa akin ni Shyr. "Nasaan kana?" Dagdag pa nito na mukhang kagigising lang.
"Nandito ako babe sa may karinderya. Inabutan kasi ako ng ulan babe, hinihintay ko nalang tumila ito tsaka ako babyahe uli," paliwanag ko.
"Ah gano'n ba. By the way, saang lugar kana ba?" Tanong ni Shyr sa akin.
"Nandito pa na ako sa Mabalacat, Pampanga, papasok na nga ako sana sa kahabaan ng Capas pero inabutan pa ako ng ulan na ito,
