Matindi ang sakit ng ulo ang nararamdaman ni Danilo nang siya ay magising. Parang binibiyak iyon na hindi niya maunawaan. Kaya naman ay sinapo niya iyon at bahagyang hinilot. Iminulat niya ang kanyang mga mata at bahagyang nagulat nang makita niyang nasa loob na siya ng kanyang silid.
Paano ako nakarating dito? nagtataka niyang tanong sa sarili.
Matapos niya kasi makausap si Eloisa kagabi ay nagpunta siya sa kanyang mga kaibigan na nag-iinuman. Andoon siya hanggang sa mag-umaga. Pagkatapos ay wala na siyang maalala.
Napapikit siyang muli ng mga mata nang maalala niya si Eloisa. Tama, si Eloisa. Muling bumalik ang kirot ng kanyang puso at muling nangilid ang kanyang mga luha. Buong buhay niya ay inihanda na niya ang kanyang sarili na siya ang makakatuluyan ni Eloisa. Hindi niya inakala
