Third Person’s Point of View
Parang pinagsakluban ng langit at lupa si Danilo nang marinig niya ang mga sinabi ni Eloisa. Pakiramdam niya ay mayroong humahawak sa kanyang puso at unti-unti iyong pinipiga. Hindi niya maipaliwanag ang matinding sakit na kanyang nararamdaman. Sunod-sunod nang tumulo ang kanyang mga luha. Hindi na niya pinansin kung andito ba siya sa loob ng istasyon at mayroong mga nakakakita sa kanya. Para siyang batang inagawan ng candy dahil sa labis na pag-iyak.
Napaigtad siya nang may tumapik sa kanyang balikat. Pagtingin niya ay ito ang pulis na kumausap kay Eloisa. Tinanggal nito ang pagkakaposas sa kanya.
“Ayos lang ‘yan, ‘toy. Wara na kit mahihimo kun makakaruyag niya hiya,” sabi ng lalaking pulis na mukhang nakikisimpatya sa sawing puso ni Danilo. (Wala na t
