Sa airport ay hindi na ako inihatid nina Mommy at Daddy dahil bukod sa wala naman talaga silang pakialam sa akin, alam ko naman na pareho rin silang abala sa kani-kanilang business.
Ang tanging naghatid lang sa amin ay ang apat na kapatid ni Fabian. Tamang nariyan sina Frankie, Faye, Faith at Fabio. Mabuti pa sila, kahit saan at anong bagay ay suportado nila ang isa't-isa. Samantalang kami noon ni Ava, dalawa na lang kaming magkapatid, pero hindi pa magkasundo.
Maliit ang naging ngiti ko habang kinakawayan sila. Papasok na kami sa loob ng airport. Sila rin kasi ang magmamaneho ng kotse ni Fabian pabalik sa bahay nila. Halos mabali ang leeg ko habang tinatanaw silang naroon sa labas.
Paulit-ulit naman silang sumisigaw doon na animo'y mga nakawala sa kuran. Tuloy ay hindi maiwasan na pagt
