Huminga ako nang malalim matapos pasadahan ng haplos ang suot na short-sleeved top at shorts. Saka ko ibinalik sa dating ayos ang buhok nang huminto sa paghaplos ang hangin.
Inangat ko ang tingin sa harapan. Makikita ang kulay asul na dagat na nagsusumigaw sa kagandahan ng kalikasan. Mangilan-ngilan lamang ang bangka na aking nakikita at may mga nag-aabang din dito sa dalampasigang kinatatayuan sa Isla Capgahan. Kung hindi ako nagkakamali, sa Isla Agunaya rin ang punta nila.
Wala akong ibang dala kundi itong maleta. Sa tantya ko, isang pang-isang linggong gamit ko ito. Hindi lang ako sigurado kung gaano ako katagal mamamalagi roon dahil hindi naman malinaw ang chat ni Arlet. Basta’t sinabi niya na lang na magbakasyon daw ako doon kung gusto ko pa raw maabutan si Ada.
Napalunok
