TRINO TRIVINO’S POV
I fell in love with someone who didn’t even know my existence. And worst, I had to kill my own heart just to lose her.
Kung sa paanong paraan at anong dahilan ako nahulog sa kaniya, iyon ay hindi ko na alam. Basta’t hinahanap-hanap ko na siya kahit noong mga bata pa kami, pinapangarap ko na siya kahit mura pa ang edad namin.
“Uy, kilala niyo ‘yon?”
Napatingin kami sa direksyong itinuro ni Dashen. Napahinto ako sa pagsasalansan ng mga hinulmang buhangin para makagawa sana ng sand castle.
Kumunot ang noo ko nang makita ang batang babae na agaw-pansin sa suot na blue swim suit. Sa sobrang bata niyang tingnan, tingin ko’y ka-edad ito ng kapatid ko. Naroon siya sa tapat ng mga kasama niyang matatanda, nag-iihaw ng barbeque.
Umiling si Trivo. Umiling din ako.
“Ngayon
