Pumasok na ako sa trabaho at kahit balisa ay hindi ko pa rin alam kung paano kakalmahin ang sarili ko. Hindi pa rin ako mapakali. Dapat ko na bang sabihin ang totoo kay Landon? Hangga’t hindi niya alam ang totoo paniguradong lalaki pa itong hindi namin pagkakaintindihan.
“Okay lang po ba kayo, Ma’am?”
Napatingin ako kay Ellen at kaagad na pinunasan ang counter. Hindi ko napansin na nakatanga na lang pala ako.
“Mukha po kasi kayong matamlay. Baka po ay pagod kayo, magpahinga na muna kayo. Kayang-kaya naman po namin dito,” nag-aalalang wika niya. Napakamot ako sa batok ko at huminga nang malalim.
“Masama lang ang pakiramdam ko, Ellen. Salamat, ipapahinga ko lang ‘to saglit,” saad ko. Tumango naman siya. Pumasok ako sa loob ng opisina at umub-ob sa table. Sumasakit kasi ang ulo ko. Bak
