Anjo’s POV
ALAM ko na malaki ang tyansang mahuli ako o kami ni Lally pero miss na miss ko na talaga si Ava kaya kahit madaling araw na ay tinawagan ko siya upang ayain siya na magkita kami. Ganitong oras kasi ang out niya sa trabaho kaya alam kong sa oras na ito ko lang siya pwedeng makita. Iyon nga lang, nasa ospital pala siya upang bantayan ang kaniyang anak. Pero ayos lang dahil kahit nasaan siya ay pupuntahan ko talaga siya ngayon. Ganoon ko siya ka-miss!
Umalis ako ng bahay ng tahimik. Matagal ang epekto ng gamot kay Lally at umaga na siya magigising. Siguro naman sa oras na bago siya magising ay makakabalik na ako. Bibilisan ko na lang para hindi niya malaman na umalis pala ako.
Kapag ganitong oras ay wala nang dumaraan na tricycle sa tapat ng bahay namin kaya kinailangan
