"Sabi ko, bitawan mo siya kung ayaw mong masaktan! Hindi mo na dapat ginaganyan ang mga babae!" Malakas na sigaw ni Steiner sa aking likuran at hindi ko na rin inaasahan na mangyayari iyon sa puntong ito.
Hindi ko inaasahan na pupunta na pala siya dito sa club. Dahil hindi ko naman siya nakikita kanina, akala ko ay hindi na rin siya tutuloy na pumunta na dito.
Ilang sandali pa ay naramdaman ko na rin na binitawan na ako ng dalawang lalaki na nakahawak sa akin. At noong binitawan na rin nila ang aking kamay, iyon na rin ang hudyat para ako ay napalingon sa pinanggalingan ng boses.
Nakita ko sa aking likuran na galit na napatitig si Steiner sa mga lalaking nambastos sa akin. Well, it is still considered na babastusin nila ako dahil nag-offer sila sa akin kahit na hindi naman ako ganoong k
